Литванија е држава сместена на југоисточниот брег на Балтичкото Море. Климата во оваа земја е релативно блага. Просечната температура на брегот е -2.5 степени во јануари и 16 степени во јули. Во Вилнус просечната температура е -6 во јануари и 16 во јули.
Иако денес Литванија е мала земја, во четиринаесетиот век таа била една од најголемите во Европа. Денешната теритрорија на Белорусија, Украина како и делови од Полска и Русија тогаш припаѓале на Големото Војводство Литванија. Во 1569 година Полска и Литванија склучиле сојуз и го создале Полско-Литванскиот Комонвелт. Овој комонвелт опстојал повеќе од два века, но во периодот од 1772 до 1795 околните држави систематски го уништиле. Литванија прогласила независност од Русија и Германија на 16 февруари 1918 додека сè уште траела Првата Светска Војна.
