Четири досетливи и мудри одговори на секојдневни проблеми од пишаните сведоштва.
Да се женам или не?
Богат младич се приближил до еден монах кој стоел на градскиот плоштад. Тој ставил златник во раката на монахот и прашал:
– Почитуван, потребен ми е вашиот совет. Многу ми се допаѓа една девојка. Но од неодамна многу се измачувам, бидејќи не знам што да правам – да се оженам ли за неа или не …
– Не. Не се жени! – веднаш одговорил старецот.
– Но, зошто?
– Ако навистина сакаше да се ожениш за неа, воопшто немаше да прашуваш.
Турист
Еден странски турист посетил познат мудрец во неговиот дом. Таму тој со воодушевување открил дека живеалиштето на мудриот човек се состои само од една соба полна со книги, а единствениот мебел во домот му биле една маса и дрвена клупа.
– Но, каде е твојата покуќнина, мебелот …? – прашал туристот.
– А каде е твојата?
– Но, јас само минувам оттука! Јас сум турист …
– Јас, исто така. – одговорил мудрецот.
Вистинската љубов
Една девојка го запрашала својот учител:
– Како да разликувам вистинска љубов од лажна?
– Многу едноставно – одговорил тој. – “… Бидејќи сакам!” – ова е вистинска љубов. “Сакам, бидејќи …” – ова е лажна.
Човекот
Еднаш го прашале Далај Лама што го восхитува најмногу од сè.
– Човекот! – Одговорил тој. – Најнапред го жртвува своето здравје, за да направи пари. Потоа ги троши овие пари за обновување на здравјето. Целото ова време тој толку се грижи за својата иднина, што никогаш не и се насладува на сегашноста. Како резултат на тоа не живее ни во сегашноста, ниту во иднината. Освен тоа човекот живее така како никогаш да не ќе умре, а кога умира жали за тоа што не живеел.
