Третата сезона на серијата „Game of Thrones“ ќе почне да се емитува за три дена, а паузата од претходната сезона беше долга. За оние кои заборавиле кој ја преживеа втората сезона, ќе ве потсетиме:
Денерис Таргериен
Принудена да избега од Вестерос, откако престолот на нејзиниот татко е узурпиран уште додека била бебе. Денерис планира да основа војска и да ја преземе власта над Седумте кралства. Таа има и три мали змејови кои има намера да ги искористи за да го преземе престолот.
Серсеи и Џејми Ланистер
Кралицата Серсеи е мајка на Џофри кој во втората сезона се качи на престолот. Серсеи го мрази својот брат – џуџето Тирион, а од нејзината врска со братот близнак Џејми го родила Џофри.
Џејми Ланистер го уби таткото на Денерис Ерис Таргериан, познат ккао „Лудиот крал“. Во последната сезона е заробен во борба со Старк, а после ослободен.
Џофри Ланистер
Суров, садист и убедливо најомразениот лик. Се качи на Железниот престол по смртта на неговиот татко Роберт Баратион. Но, ги слушна гласините дека неговиот вистински татко всушност е вујко му Џејми. Се сврши со Санса Старк, но на крајот на втората сезона веридбата беше раскината.
Тирион Ланистер
Тирион е еден од омилените ликови во серијата. Многу сложен карактер и веројатно најдобриот член од лозата Ланистер. Освен тоа му удри шлаканица на Џофри и поради тоа ги освои симпатиите кај обожавателите на серијата.
Роб Старк
Откако неговиот татко Нед Старк е убиен по наредба на Џофри, Роб во втората сезона се бори против семејството Ланистер. Го нарекуваат „Крал на северот“ и планира да се отцепи од остатокот од царството и да формира северно кралство.
Кетлин Старк
Откако нејзиниот сопруг Нед Старк е убиен, мајката на пет деца му помага на синот на фронтот. Освен тоа нареди ослободување на Џејми Ланистер како замена за нејзините ќерки Санса и Арја. Додека беше на фронтот, Винтерфел е цел на напад и таа мисли дека преживеал само син и Роб.
Брен Старк
Уште едно од петте деца на Старк. Остана неподвижен отако Џејми Ланистер го фрли од голема височина кога ги виде како се бакнуваат со Серсеи. На крајот на последната сезона Брен мораше да ја напушти куќата која е нападната и срушена до темел, Неговата мајка не знае дали е жив.
Арја Старк
Помалата ќерка на Кетлин и Нед Старк е машкоданка која повеќе го сака мечувањето од шиењето. Поради тоа често пати мислат дека е момче. Таа виде дека Џофри нареди убиство на нејзиниот татко. Во последната сезона тргнува дома по што со својата дружина е заробена. Арја и нејзините двајца пријатели успеваат да избегаат. Нејзината мајка не знае дека таа не е во заробеништво.
Санса Старк
Постарата ќерка на Старк е спротивност на Арја. Таа е убава и наивна. Ланистер ја држат во заробеништво. На нејзино задоволство Џофри ја раскинува веридбата, но таа се уште не е безбедна и се надева дека ќе успее да избега.
Џон Сноу
Вонбрачен син на Нед Старк.Кетлин го презира, затоа што го доживува како доказ за неверството на сопругот. Џон припаѓа на братството Ноќна стража кое го чува кралството од опасности од другата страна на Ѕидот. Во последната година Џон е заробен од Дивјаците.
