Постара двојка од Бостон на чија свадба пред 61 година фотограферот не се појавил, оставајќи ги само со една слика за сеќавање на нивниот посебен ден, конечно ги направиле фотографиите кои ги посакувале, инспирирани од емотивниот анимиран филм “Up”.
Како симпатичен празничен подарок, семејството на Дороти и Доналд Луц, попознати како „Нина и Грампс“ одлучиле да оргнизираат една навистина незаборавни фотографска сесија за нивната годишнина, кои никогаш не ги извадиле нивните венчални прстени и сеуште се најдобри пријатели по шест децении заедно.
Дизајнер за настани а воедно и нивна внука од страна на сопругот, Лорен Велс го организирала овој свечен настан, со тема превземена од анимираниот филм “Up” за која сметала дека е совршен начин да се прослави љубовта на двојката, по толку години поминати заедно откога ги дале своите завети.
„Нина и Грампс се буквално најслаткиот пар некогаш“, напишала Велс на нејзиниот вебсајт.
Комплетирана со разнобојни балони, антички кадифени столици и старовремски реквизити, како кошница за пикник и куфети, „Нина и Грапмс“ позирале на мостот Old Northern Avenue Bridge за фото-сесијата, сликани од страна на Cambria Grace Photography.
Доналд ја запознал Дороти кога таа била келнерка во ресторан во Рандолф и таму бил на одмор од војска, раскажува тој за списанието Boston Globe. Двојката се допишувала со писма додека Доналд не завршил со воената служба. Тој знаел „доста рано“ дека таа е вистинската. Со веренички прстен изваден од кутија за чоколада, Доналд ја запросил на Cambridge Common, и се венчале по кратко време, на 20-ти јули 1952-ра година. За жал, двојката има само една фотографија по која ќе го памтат нивниот среќен ден.
