Калифорнискиот уметник Крис Труман направи портрет рекреирајќи стара фотографија од детството, а за тоа му беше потребен необичен материјал – вкупно 200.000 мравки.
Калифорнискиот уметник Крис Труман направи портрет рекреирајќи стара фотографија од детството, а за тоа му беше потребен необичен материјал – вкупно 200.000 мравки.
Уметникот ги купувал мравките живи, по 40.000 од нив и по цена од 400 евра, за потоа да ги убие и со пинцета да ги постави на парче плексиглас. Она што е неверојатно е дека уметникот успеал да го продаде своето дело за повеќе од 27.000 евра и тоа на американската компанија Ripley која поседува музејска колекција од необични дела.
Труман за малку ќе се откажел од создавањето на своето ремек дело заради тоа што го гризела совеста што убива недолжни инсекти. Тој вели: „Ми требаа неколку години да го довршам, не заради тоа што беше напорно, туку заради што во одредена точка се чувствував лошо заради тоа што ги убивав мравките.“
Инспирацијата за сликата дошла од искуството кое Труман го имал кога бил дете. Тој објаснува: „Јас и мојот помал брат нападнавме мравјалник и црвените мраки не искасаа. Одлучив да се навратам на тоа искуство од детството.“ „Мравките се неверојатни суштества.“ додава тој.
Уметникот најпрво бил со идеја секоја мравка сам да ја фати и да ја убие, но на крај заклучил дека за тоа ќе му биде потребно многу време. Заради тоа издвоил повеќе од 2.000 евра и купил 200.000 мравки. Мравките ги умртвувал со вата натопена во ацетон, а потоа со пинцета ги поставувал на парче плексиглас.
[Artist kills 200,000 ants to use in recreation of childhood photograph]
