Не постои оправдување ако наутро не појадувате. После една ваква идеја сигурно ќе најдете време за оброк во раните часови.
Јајца мафини
Состојки:
Масло за подмачкување
калапи за мафини
јајца
4-5 чери домати
1/2 магдонос
1 дланка спанаќ
50 г. печеница или шунка
сол
бибер
Подготовка:
Подгответе ја тепсијата за мафини и во секој дел од калапот ставете по едно јајце. Доматот најпрво измијте го добро, па потоа исецкајте го. Истото направете го и со печеницата. Во калапите за мафини во кои сте ставиле јајца, додадете малку сецкан домат, спанаќ и печеница. Посолете и додадете ги останатите суви зачини или некои други по желба. Печете во загреана рерна на 180 степени околу 20 минути, а доколку сакате да бидат поживи печете ги околу 10 минути. Доколку порадо би јаделе кајгана, само малку со вилушка изматете го јајцете во калапот, додадете ги останатите состојки и печете како и во претходната верзија.
