Доколку во ладилникот имате повеќе видови на сирење (или планирате да набавите), ова е идеален рецепт за вас.
Состојки за тесто:
300 гр. брашно
3 лажици маслиново масло
2 лажици сув квасец
малку сол
малку шеќер
млака вода по потреба
Прелив
сос од домат
2 зденки сирење
малку крем сир
листови сирење (за сендвич)
рендана моцарела
сирење со додаток од лута пиперка
оригано
Подготовка
Замесете малку поцврсто тесто. Намачкајте еден сад со зејтин и во него ставете го тестото, почекајте да порасне. Кога ќе порасне, растегнете го во мрсна тепсија. Премачкајте го со сокот од домот, нанесете ја сецканата зденка и парчињата крем сирење. Сето тоа прекријте го со листовите сирење и пресипете ја ренданата моцарела. На крајот додадете го сирењето со лута пиперка и оригано.
Печете на 400 F- 200 C додека пицата на биде готова, односно додека не се растопи сирењето и започне да добива боја. Доколку не сакате да ги вкусите сите овие видови, преливот може да биде по ваша желба.
