Живејте тука и сега, оставете го минатото во минатото, не се самообвинувајте за грешките од вчера и не се обидувајте да бидете совршени.
Само бидете еден убав пример за тоа што е значи да бидеш човек, пишува блогерот Марк Черноф.
Еве што ни советува тој:
1. Живејте за денес
Без разлика што се случува, секој може ефикасно да се справи со битките на денешниот ден. Само кога ќе додадеш кон, вчера и утре, тогаш животот станува неподносливо сложен. Сфатете дека не се денешните искуства она што ве држи на едно место и ве полудува, туку жалењето за нешто што се случило вчера, или стравот од она што може да ви го донесе утрешнината. Потребно е тогаш да се ослободите да го живеете денот – само денес – токму тука, и токму сега.
2. Бидете во ред со тоа дека не сте ОК цело време
Лоши работи се случуваат секој ден и на секого во даден момент. Разликата е како луѓето се справуваат со ова. Затоа, насмевнете се и дозволете им на другите да разберат дека уште постои надеж. Бидете трпеливи и жилави, некој ден таа болка ќе ви биде од корист. Луѓето кои имаат моќ да успеваат на долг рок, се оние кои вложуваат здрава основа за раст од тулите кои животот го фрла во нив. Затоа не се плашете да се урнете за момент, затоа што кога се случи оваа ситуација, ќе ви отвори можност да растете и да се изградите од себе брилијантен човек кој сте способни да бидете.
3. Користете ги тешкотиите за да ги заработите најдобрите денови во вашиот живот
Тешките времиња често се скриен благослов. Истресете ги очекувањата и оставете животот да ве направи силни. Без разлика колку ве боли, држете ја главата горе и продолжете. Тоа е важна лекција која треба да запомните кога имате тежок ден, лош месец или лоша година. Работите задолжително ќе се сменат. Нема да се чувствувате така засекогаш.
Понекогаш најтешките лекции се оние кои најмногу ни се потребни. Минатото никогаш не било грешка, ако сте научиле нешто од него. Значи соберете ги сите луди искуства и лекции и ставете ги во кутија на која пишува „благодарам”. Не може да почувствувате среќа, ако срцето никогаш не било скршено. Не може да се почувствува вкусот на победата, ако никогаш не сте го препознале горчливиот вкус на неуспехот. Нема како да знаеш што значи да се чувствуваш целосно, додека не дознаеш што значи да бидеш расфрлан на парчиња. И не може да почувствувате прероди додека не престанете да бидете оние кои сте биле некогаш.
4. Кога интуицијата ве моли да ја слушнете, слушајте
Ќе има одредени моменти во животот, кога сите инстинкти ќе ви кажат да направите нешто – нешто што противречи на логиката, збунува планови и изгледа како целосна лудост во очите на другите. Кога тоа ќе се случи, размислувајте и слушајте ја интуиција. Оставете ги инстинктите да завладеат и игнорирајте го сето друго. Игнорирај го она што „би требало” да го правите, игнорирајте колкави се шансите, не обрнувајте внимание на она што другите сакаат да го правите и само го прават тоа.
Во животот се случува, ако не ризикувате ништо да ризикувате сè. И не можете секогаш да го чекате вистинскиот момент. Понекогаш едноставно мора да се осмелувате и да скокнете. Понекогаш се што ви треба се 20 секунди лудешка храброст – и, ви ветувам, нешто големо ќе излезе од тоа.
5. Барајте ги одговорите внатре во себе
Ако постојано живеете живот со однапред напишани од општеството сценарија за тоа како „би требало” да бидат работите, ова е лажно постоење. Сеедно да дадете живот на својот идентитет. Само бидете себе. Во вас има многу повеќе нијанси отколку во нечиј туѓ расказ во кој се обидувате да се пронајдете, вие сте многу пософистицирани од претставата на општеството за тоа што „би требало” да се случува.
Проблемот е што кога мислите дека треба да „барате” работи како љубов, смисла и инспирација „побарувачката” сугерира дека овие нешта се некако скриени некаде зад грмушки и само чекаат да бидат пронајдени. И така почнувате да си поставувате прашања кои ве носат подалеку и подалеку од вас самите, и не таму се наоѓаат одговорите што ги барате.
Во животот самите треба да ја создадете својата љубов, да ги дефинирате целите за себе, да имате инспирација внатре во себе. Процесот започнува одвнатре, не однадвор. Можете да постигнете многу, ако си ги поставите вистинските прашања. Започнете со овие:
– Кој сум јас?
– Што ми треба?
– Како да функционирам најдобро?
– Што имам да дадам на другите?
– Што е следниот чекор што можам да преземам сега?
