Совршениот дом не се одликува со луксузен мебел и скапи предмети.
Погодностите на домот не се одредуваат според буџетот, туку според вкусот. Овие 5 нешта во вашиот дом ќе ви покажат дека удобното и модерното можат да се соединат заедно:
Совршен душек
Нема ништо поважно од душекот на кој спиете секоја ноќ. Ова е единствениот предмет во домот за кој не треба да штедите пари. Одвојте време и тестирајте неколку видови, додека не го пронајдете оној кој ви е најпријатен за телото.
Уметничко дело
Би требало да имате барем една слика или скулптура, која ќе ја одразува вашата личност. Сликата или сувенирот не треба да бидат скапи, туку да ве потсетуваат на убави спомени или некакво минато поврзано со вас.
Цвеќињата во домот
Зеленилото е важно за вашиот дом и од други причини. Не само што ќе го подобри квалитетот на воздухот, туку и ќе го исполни просторот со топлина и удобност. Ова е особено корисно ако живеете во мал стан. Не се плашете да го вклучите цвеќето во секоја точка на вашиот дом.
Полица за книги
Ова е ѕид за бескрајни декоративни можности и дефинитивно е мебел, кој секој дом треба да го има. Сепак, добрата организација е клучот за успехот. Покрај омилените книги не грижете се да додадете неколку сувенири, рамки со семејни фотографии, па дури и свеќи.
Катче за релаксација
Секој дом би требало да има мирно катче за рекреација. Изберете си некој дел во домот, каде ќе можете мирно да уживате во добра книга, чај или кафе. Потребни ви се само фотелја, масичка, неколку книги и ќебе.
Прочитај повеќе: Катче за читање – најпрекрасниот дел до домот
