Жените во просек имаат по околу 20 пара чевли, од кои само пет им се навистина потребни. Еве кои се тие:
Мокасинки
Со оглед на тоа што балетанките уште од почетокот на оваа година излегоа од мода, се чини дека мокасинките успешно го „заземаа“ нивниот трон. Тие се одлична и удобна комбинација за на работа, па дури и за дневни или ноќни прошетки, која освен што добро изгледа со фустан и здолнниште, прилега совршено на тесни или класични пантолони.
Римјанки
Неспорен е фактот дека античките жени имале одично чувство за мода. Па така, римјанките со древен изглед прилегаат совршено на сечие стапало. Одличен избор за дневните, а со правилна комбинација, и за ноќните прошетки.
Патики
Голем број на девојки и жени толку ретко имаат прилика да се облечат во спортска комбинација, што немаат ниту еден чифт патики во ормарот. Но, не ретко се наоѓа ситуација кога е потребно да се одработи одредена активност за која ова парче гардероба е неопходен детаљ. Задолжителни за вежбање, долги прошетки, трчање, излет во природа…
Чизми
Во студените и зимски денови, како и во есенските, неопходни ви се едни убави, и по можност кожни чизми, кои освен што ќе ве заштитат од влажното време, ќе ви пружат комфорт и топлина во неиздржливо студените денови. Впрочем, тие изгледаат тотално шик и се лесни за комбинирање со речиси секаква „кежуал“ комбинација.
Елегантни високи потпетици
Во просек, најмалку два пати во годината се случува да треба да присуствуваме на некој важен настан каде не може а да не изгледаме беспрекорно елегантни. Во ваквите моменти, задолжителен „аксесоар“ се високите потпеици, кои секоја девојка мора да ги поседува во ормарот, барем во еден примерок.
