Ако патувате во Перуџа, градот ќе ви изгледа провинциски тивок, аеродромот е место меѓу полето, а хотелот со пет ѕвездички „Бруфани Палас” – неочекувано достапен.
Ако одите околу 20 октомври, во тоа време градот во средна Италија е синоним на „под опсада”, „освоен”… Окупацијата е присутна, а улиците, плоштадите, хотелите, автобусите, ескалаторите буквално подлегнуваат под напорот на илјадниците посетители. Причината е годишниот фестивал EuroChocolate , кој се одржува од 1993 година.
Откако со пристигнувањето ќе бидете опремени со Chococard – малку картонче со карта, што ќе ви помогне да откриете ред подароци и слободни дегустации на одредени места на територијата на фестивалот.
Eurochocolate нуди многу можности за секој чокоманијак – тони од чоколадни банани и јаболка, чоколадно гиро, густо топло чоколадо, рачно изработени чоколади, чоколаден ликер, уникатни чоколадни пасти … Неслучајно во 2003 година тука е изработено и претставено најголемото чоколадно блокче во светот со димензии 7 на 2 метри, направено од 5980 килограми темно чоколадо и разновидно од крцкавите тела на илјадници лешници.
Овој фестивал докажува дека на слаткиот производ му одговараат не само разнобојни хартиени пакувања и познати брендови, туку и улогата на материјал за скулптури на суровина за козметички процедури и прототип на материјали за производство на часовници , ламби, прибор за мобилни уреди и др.
Повеќе од десет години Перуџа си има и свој чокохотел – „етрурски чокохотел” кој потсетува на етрурското минато на градот и свежата слава како рај на чоколадото. (Да не заборавиме дека Перуџа е познат по непогрешливите бонбони со лешници „Баци”, кои се произведуваат од познатата фирма за чоколадни производи „Перудџина”).
Традиционално секој гостин на хотелот добива чоколадо за добредојде, а за време на фестивалот може да се доживее и искуство во специјалните чоколадни кади.
