Емотивен ден за претседателот Стево Пендаровски. Откако денес го посети училиштето „Панајот Гиновски“ во Бутел 2, каде што и самиот завршил основно, претседателот се сретна и со неговата прва учителка – Борка Палифровска.
Борка има 83 години и веќе 25 години е во пензија, но сè уште се сеќава на сите свои ученици, а ги чува и фотоалбумите со фотографии стари и над 40 години, пишува Пендаровски.
„Ми раскажа дека веќе 25 години е во пензија, а времето го поминува покрај со читање и со своите деца и внуци. Борка е доказ дека првите учетелки ги памтиме доживотно. Покрај преубавите спомени, ме испрати и со малку грозје од нејзиниот двор. Ѝ посакувам долг век и пак да се видиме за некоја година да поразговараме“, напиша тој на Фејсбук.
