Во времето на просветителството бил центар на културата, едукацијата и филозофијата, па затоа се смета за просветителски град.
Уште една причина поради која Париз е град на светлината е тоа што е првиот град во Европа кој направил раширена мрежа на улично осветлување и со тоа им го осветлил патот на граѓаните и туристите.
Во поново време, новиот надимак на Париз е „Град на љубовта“. Поради фактот што најголемиот град во Франција секојдневно го посетуваат стотици илјади туристи дневно, помеѓу кои голем број се и заљубените парови, овој град добива уште еден, и тоа како втемелен надимак. Покрај тоа, во Париз се наоѓа и прочуениот мост на уметноста (Pont des Arts) на кој парови од целиот свет, со цел да ја овековечат нивната љубов, врзуваат катанци на кои се напишани нивните имиња, а клучот го фрлаат во познатата Сена.
Па така, поради огромната популарност која ја носи Париз, многу градови ширум светот самите себи си си даваат надимаци поврзани со овој град. На пример: Каиро – Париз на Нил, Бејрут – Париз на Блискиот Исток, Буенос Аирес – Париз на Американците.
