Ова е стан од 42 квадратни метри кој се наоѓа на плоштадот Аламо во Сан Франциско. Станот се изнајмува, а моменталната сопственичка одлично го уредила по своите потреби. Станот го направила многу посимпатичен.
Иако е мал, многу е убаво уреден. „Откачените“ детали го прават различен од другите, а сето заедно изгледа многу усогласено.
Станот е опремен со различни интересни работи. Има и парчиња од „пазар“ како и многу спомени донесени од патувањата на сопственичката.
Исто така, комбинирани се стилови, па во овој стан можеме да најдеме старо парче мебел во комбинација со модерни парчиња. Освен различниот стил, станот е полн со бои, форми и разни детали кои даваат тон на просторот и ги истакнуваат елементите од мебелот.
И распоредот на станот е интересен. Дневната соба и спалната се всушност еден простор. Креативно се усогласени, што остава впечаток на хармоничен простор.
Колку повеќе го гледаме овој стан, станува се појасно дека одговара совршено на потребите на сопственикот, и е добар пример за тоа како да создадеме простор по сопствен вкус и да се чуствуваме пријанто во него.
