Португалија е во шок, а јавноста е исполнета со гнев поради тоа што еден од најдобрите фудбалери во светот и капитен на националниот тим, Кристијано Роналдо, не присуствувал на погребот на загинатите Диого Жота и неговиот брат Андре Фелипе.
Шпанските медиуми објавија дека во моментот на погребот, Роналдо бил на јахта во близина на Палма де Мајорка, на одмор. Оваа информација предизвика силна реакција меѓу Португалците, кои сметаат дека не е соодветно за него да не биде присутен во овој трагичен момент.
Роналдо, кој бил добар пријател со Диого Жота, оставил многу луѓе изненадени со неговото непојавување на погребот, особено што присутни биле и други познати фудбалери, како Рубен Невеш, кој само 12 часа пред тоа ја играл неговата утакмица.
Сепак, Роналдо контактираше со семејството на жртвата и изрази сочувство. Според информации од англискиот весник „Мирор“, позната е и причината зошто тој не се појавил на погребот — тој донел одлука да не присуствува за да не ја наруши малата средина на Гондомар. Според него, неговото присуство би привлекло непожелно внимание.
Португалецот оваа одлука ѝ ја објаснил и на семејството на Жота. Покрај тоа, Роналдо понудил сета можна помош на сопругата на Диого, Рут Кардозо, и на нивните три деца. Некои медиуми известија дека во понудената помош е вклучено покривање на сите трошоци за образованието на децата до завршување на школувањето.
