Во недела на 30 јуни во 20 часот, како дел од годинешното издание на Битола Шекспир Фестивал, ќе биде изведена претставата „Отело“ imPerfect Dancers Company – ITALY.
Танцовиот колектив imPerfect Dancers Company е добро познат на битолската публика по гостувањата на предходните изданија на БШФ со претставите „Лејди Макбет“, „Хамлет“ и „Ромео и Јулија“.
Најновиот нивни проект „Отело“, ќе ја има својата светска премиера на овогодинешното издание на БШФ.
Заедничкиот именител во нашиот Отело е истражувањето на најинтимните чувства и аспекти на човечката душа. Љубов, љубомора, завист, гнев и омраза. Поврзани, а сепак спротивни чувства. Животот во својата извонредна сложеност.
Претставата е сместена во неодредено време без историски референци, во некаква вечност, исто како што темите на делото се вечни и безвременски.
Отело, Дездемона, Јаго.
Три лика, три можни случувања, едно шоу каде јавноста одлучува и со тоа станува господар на делото.
Рингмајстор ќе ја води јавноста низ различните фази на шоуто, откривајќи ги неговите тајни и атракции.
Перформансот затоа е ентитет со свој живот и секогаш се менува според волјата на јавноста.
Секоја изведба е единствена и неповторлива. Јавноста е господар на тоа.
