Од 8-ми до 11-ти август во Струга ќе се одржи осмото издание на Дрим Шорт Фестивал на краток филм. Пред официјалната најава на фестивалот и објава на програмата, организаторите распишаа конкурс за волонтери и волонтерки, кои ќе станат дел од нивниот тим и ќе помогнат во организација на фестивалот.
Минатогодишното издание беше под мотото „Неопходна убавина“ и на фестивалот во четири дена беа прикажани филмови во натпреварувачки категории, регионална, интернационална, студентска и специјална програма „Соочување со минатото“.
Покрај натпреварувачките програми, фестивалот лани ја претстави и специјалната програма „MK Спешл” со цел промоција на македонскиот филм и младите македонски автори.
Гостинските програми беа во соработка со DocuFest од Косово и Sarajevo Film Festival од Сараево.
