Никој нема да умре од коронавирус во Белорусија, рече претседателот Александар Лукашенко, кој одбива да се воведат построги мерки во оваа држава, иако 2.919 луѓе се заразени, а досега 29 починале.
-Веќе пронајдовме комбинација на лекови за да се спасат луѓе – рекол Лукашенко, истакнувајќи дека смртните случаи се резултат на други болести, како што се срцеви заболувања и дијабетес.
За разлика од другите европски земји, границите на Белорусија се уште се отворени, а дури дозволено е да се играат фудбалски натпревари пред гледачи.
