Не е важно како, туку важно е предноста на Реал Мадрид против ПСЖ да биде анулирана. Следствено на тоа, во раните утрински часови се собрала мала група од едно 50-тина ултрас навивачи, за да се погрижи дека фудбалерите на Реал Мадрид ќе играат на дуелот во Париз ненаспани.
ПСЖ вечерва ќе треба да брка негатива од 3-1, па „Светците“ со денови ги повикуваа своите навивачи да ги пречекаат гостинските фудбалери во пеколна атмосфера.
Околу 1:30 часот утрово, пред хотелот каде што престојува делегацијата на Реал Мадрид, така и изгледаше – пеколно. Петарди, „бомби“ и гласни свирки, и општо – многу врева, повеќе од доволно за човек да не може око да склопи.
Обезбедувањето на Реал Мадрид веднаш повикало полиција, која набрзо пристигнала и привела две лица. Едно е сигурно, фудбалерите на Реал заспаа доцна во ноќта, не пред 1:30 часот, сигурно.
Ѕирнете ја атмосферата во видеото:
At 01.30 am a group of Ultras PSG went to wake up the Real Madrid players at the hotel they were staying at.. #PSGRMA. 💥🔥😅 pic.twitter.com/CHxKycVQac
— TheRealCasuals (@Real_Casuals_66) March 6, 2018
