Немаме поима како се зародил митот дека влакната стануваат подебели и потврди по бричење, но мајките доста често го користат овој аргумент за да ги одвратат своите ќерки од оваа практика.
Секој пат кога научниците ја ставаат оваа теорија на тест, сметаат дека растот на влакната на никаков начин не влијае од бричење или друг вид депилација. Тогаш зошто продолжува да постои овој мит? Одговорот лежи во формата на влакната – додека е помало влакното е погрубо на допир, но кога влакното ќе порасне, неговиот крај повторно се истенчува.
Затоа два дена по бричењето влакната изгледаат погруби отколку две недели потоа.
„Жените ги бричат нозете цело време. Би се претвориле во горили, ако влакната стануваат подебели или потемни – вели дерматологот Ејми МакМајкал. – Покрај тоа немаше да размислуваме за губење на косата, ако бричењето на косата би го зацврстило влакното”.
Уште во 1928 година клиничка студија покажа дека бричењето не влијае на растот на косата. Понови студии потврдуваат дека тоа не се одразува на дебелината или брзината на растот на новите влакна.
Има само еден исклучок од ова правило – пубертетот. Кога момчињата ќе почнат да се бричат за прв пат, влакната може постепено да станат подебели. Тоа сепак нема ништо заедничко со самото бричење. Причината се крие во хормоналните промени кои влијаат врз дебелината на влакното.
Можеби сте слушнале разни аргументи како поддршка на спротивната теза. Луѓето кои прават болна топла или ладна депилација во името на убавината често тврдат дека влакната стануваат потенки и растат побавно. Но, тоа исто така е трик на нашите умови, велат експертите.
Восокот ги отстранува влакната од основата на фоликулите, што значи дека е потребно малку повеќе време пред да пораснат – вели научниот истражувач Пол Вилис. – Постојат докази дека редовната депилација со восок може да ги оштети фоликулите до таква мера, што ќе ја спречи појавата на влакната, но тоа ќе потрае со години.
-Како и многу телесни функции, состојбата на влакната влијае на целокупното здравје и генетско наследство “, пишува Мајкл Ваг.” Освен ако имате болест која ја зафаќа кожата или регулирањето на циклусот на влакната, па не можете да ги натерате да растат побрзо “, додава тој.
