Постарите модели на куфери изгледаат многу убаво и романтично, затоа често се користат како декоративни елементи во ентериерот. Можеме сепак да им најдеме и уште пофункционална примена и да ги претвориме во убави масички како оваа.
Потребни материјали:
стар куфер со тврдо куќиште
4 ногарки
метро
боја за дрво (во нашиот случај бела)
четка
парче иверица (пожелно)
метални плочки за прицврстување
Чекор 1
Обојте ги ногарките во посакуваната боја и оставете ги да се исушат добро.
Чекор 2
Отсечете парче од иверицата, со големината на дното на куферот. Така ќе дадете дополнителна сила на конструкцијата.
Чекор 3
Превртете го куферот со дното нагоре. Сместете ги металните елементи за прицврстување на ногарките таму каде што сакате да се наоѓаат, и означете ги местата со молив. Потоа направете дупки за штрафовите, со цел да ви биде полесно да ги затегнете.
Чекор 4
Со помош на навртки и завртки прицврстете ги плочките.
Чекор 5
Останува да си сварите кафе и да ја пробате вашата нова масичка.
Прочитај повеќе: Уште идеи за „направи сам“ проекти со помош на куфер
