Ви ги претставуваме најинтересните и највпечатливи чанти за новата сезона, со потписот на Шанел, Диор, МекКвин, Гучи, Стела и други големи имиња од светот на дизајнерите и модата.
Денеска ќе ве запознаеме со 10 од најефективните чанти за новата сезона, со чија што помош ќе ја зачините секоја комбинација.
Dior
Во новата колекција на Dior, ќе пронајдете необичен спој на ретро-футуризмот и лежерниот раскош на Марија Антоанета. Резултатот е интересна чанта со принт, која малку го имитира примерот на рококо стилот со метално „око“.
Alexander McQueen
Интересирањето за источната култура, било прилично интересно и популарно во 70-те, кое оваа сезона се провлекува низ речиси сите колекции. Графичкиот принт и јапонскиот стил, освен на кимоното пристигнаа и на фантастичната чанта, со потпис на модната куќа Alexander McQueen.
Marc Jacobs
И оваа сезона милитари трендот го најде своето место, под модните рефлектори. Јакните и сакоата со груб крој, украсени со чипка, фантастичните апликации и меки материјали, му дадоа на овој стил поинаква и чик нота. Чантата од брендот Marc Jacobs освен дневните, може да ги зачини и вечерните комбинации.
Gucci
Оваа пролет градските улици ќе ги обиколат жените, на кои главното „модно“ оружје ќе им бидат овие чанти. Направете временско патување и донесете го стилот од 70-те во модерниот свет.
Carven
Мека форма, округли рачки, контрасни линии – ја обележуваат оваа чанта и и даваат ретро призвук и доза спортска лежерност. Совршено ќе одговара со елегантна комбинација. Слободно искомбинирајте ја на пример со рамни обувки.
Chanel
Тие не се нешто ново, но благодарение на Chanel не губат од својата популарност. Ако патите од недостаток на инспирација, а сакате да изгледате скапо, ова е дизајнот за вас.
Etro
Ако се уште не поседувате чанта со реси, крајно време е да го промените тоа. Уште ако чантата е декорирана со мали и шарени украси кои создаваат интересен етнички мотив, ќе бидете во полн сјај и на чекор со најновата мода.
Stella McCartney
Правилото „тексас од глава до пети“, благодарение на Stella McCartney, сега можете соодветно да го испратите. Во нејзината колекција изработена од еколошки материјали ќе пронајдете модерен тексас додаток.
Proenza Schouler
Новиот модел на чанти од Proenza Schouler обедини два тренда: црно-белиот контраст во комбинација со змијски дезен. Моделот е распродаден уште пред да стигне до полиците на бутиците.
Louis Vuitton
Од оваа модна куќа пристигна Petite Malle Foldover од мека кожа, достапна во три различни бои.
