По седум години изградба, мостот со должина од 55 километри што ќе го поврзува Хонгконг со Џухаи и Макао конечно се очекува да биде пуштен во употреба до крајот на годинава.
За изградбата се потрошени 98 милијарди евра, но мостот ќе го намали времето за патување меѓу Хонгконг и Џухаи за 6 пати – на 30 минути. Досега беа потребни цели 3 часа. Згора на тоа, ќе стане и најдолгиот мост на светот.
Конструкцијата е тешка 420.000 тони, а во неа има доволно челик за изградба на дури 60 Ајфелови кули.
На мостот ќе биде изграден и вештачки остров кој ќе располага со станици за полнење на електрични возила – од автомобили, па до автобуси и сл.
Но изградбата не течеше така глатко. „Поради немање искуство, ни требаа 96 часа за да ја поставиме првата цевка во океанот“, вели Џин Хаикинг – водечкиот инженер на проектот. Вели и дека работниците и инженерите многу напорно работеле и многу малку спиеле – некогаш и по четири дена во низа без да склопат око. Делумно, веројатно, тоа е и причината што во текот на овие седум години починаа седум работници, а дури 129 беа повредени.
