Ако имате проблеми со дигестивниот систем, прво обидете се да ја подобрите исхраната и да внесувате храна што ќе им го олесни варењето на дигестивните органи. Од проблемите како подуен стомак, дијареа и грчеви лесно ќе се ослободите со овие неколку здрави продукти.
Папаја
Папајата традиционално се користи за хронично воспаление на цревата, нервозен желудник и за пролив. Содржи папаин, кој е ензим што го подобрува варењето на храната.
Јаболко
Јаболката изобилуваат со здрави влакна, богати се со пектин, како и со други ензими кои го подобруваат варењето. Ако имате чувствителен желудник, пробајте печени јаболка, наместо свежи.
Цимет
Циметот традиционално се користи за лечење на утринските тегоби и за дијареа, но добро делува и кај грчевите. Одличен е во рецепти со пилешко, сутлијаш и пити со јаболка.
Авокадо
Авокадото има многу калиум, влакна и здрави масти кои се добри за варењето. Пробајте неколку тенки парчиња авокадо да ставите во утринскиот сендвич, наместо путер или кашкавал.
Ѓумбир
Зачините и билките како ѓумбирот го смируваат желудникот. Напијте се чај од ѓумбир и веднаш ќе ви биде подобро.
Зелени зеленчуци
Кељот, спанаќот и зелената салата се полни со растителни влакна, витамини и минерали што позитивно влијаат на варењето. Ја намалуваат подуеноста на стомакот и го смируваат желудникот.
