Сирените за воздушен напад се огласија во северниот дел на окупираниот Западен Брег поради информации за нов ракетен напад на Хезболах, соопшти војската. Бројот на загинати во израелските напади се искачи на 274 лица, а најмалку 1.024 се ранети. Меѓу загинатите има 21 дете и 31 жена, соопшти либанскиот министер за здравство.
Бројките доаѓаат откако десетици беа убиени и илјадници повредени минатата недела кога пејџери и воки-токи беа детонирани во Либан во напад што нашироко му се припишува на Израел, кој се обиде да ги елиминира оперативците на Хезболах.
Десетици илјади луѓе бегаат од јужен Либан, изјави либанскиот министер, кој го координира одговорот на кризата што се појавува, Насер Јасин.
-ИДФ денеска нападна околу 800 цели на Хезболах во јужен Либан и во регионот Бека во Либан, изјави портпаролот на израелската војска.
Во овие моменти израелските авиони почнаа да ги интензивираат нападите врз долината Бека во североисточниот дел на Либан. Израелската армија издаде предупредување на цивилите во областа два часа да ги напуштат своите домови.
Долината Бека се смета за упориште на Хезболах и беше нападната од Израел во последните неколку месеци, но се чини дека нападите овој пат се многу поинтензивни.
Атмосферата во Бејрут е многу напната, јавува дописникот на Би-Би-Си од либанската престолнина.
