На Reddit е познат факт дека Бил Гејтс има навика одвреме навреме да се појави на нивните страни. Уште посигурно е дека Бил Гејтс учествува во секое издание на Secret Santa (разменување на подароци меѓу случајно избрани луѓе) на Reddit, а и дека подарува најкул подароци.
„Учествувам во размената на подароци на Reddit веќе со години. Ги сакам сите мали смешни подароци“, пишува корисничката VietteLLC на Reddit.
Вели и дека секогаш ги проверува Secret Santa постовите na Бил Гејтс, и секогаш ѝ се смешни. Ни на секунда не помислувала дека еден ден нејзе ќе ѝ се случи истото.
Е па, ете.
Еве што ѝ купил – џиновска Pusheen мачка (позната од стрипови, ама уште попозната од стикерите на Фејсбук), меѓу другото.
Еве и што ѝ пишал:
„Драга Viette LLC,
Слушам дека обожаваш мачки (Viette LCC има 4), па помислив дека ќе уживаш зимово да се галиш со најголемата мачка што ја најдов. Ние дома повеќе сме фанови на сестра ѝ на Pusheen – Stormy, па ти купив и таква, заедно со некои други ствари и книги кои мислев дека ќе ти се допаднат.
Бидејќи си толку посветена на заштита на животни, направив донации во твое име во неколку организации.
Среќен Божиќ од твојот Secret Santa, Бил Гејтс“.
Viette LCC се надева дека еден ден таа лично ќе може да фундира засолниште за мачки со полиса на тотално неубивање, и можеби со тоа ќе го реформира американскиот систем за заштита на животни.
Во меѓувреме, вели дека најдобриот подарок од овие на Бил Гејтс и е помислата дека „во некој момент од мојата работна недела… Бил Гејтс седнал таму некаде за да направи професионална фотографија од него и џамбо Pusheen мачка, а потоа и да ѝ пишува писмо за мачки“.
