Повеќе од осум илјади Палестинци се убиени во Појасот Газа од почетокот на војната со Израел на 7 октомври, соопшти денеска Министерството за здравство.
Бројот на жртвите на израелските напади се зголеми на 8.005 Палестинци, меѓу кои има повеќе од 3.300 малолетни и 2.000 жени, се наведува во соопштението.
Министерството за здравство е дел од владата на Хамас и не е поврзано со ниту една друга организација.
Минатата недела Министерството објави детален список со имињата, годините и матичните броеви на повеќето загинати и објави дека некои тела се уште не се идентификувани.
Над 1.400 луѓе беа убиени на израелска страна, повеќето од нив цивили, во нападот на Хамас за време на крвавиот упад во Израел на 7 октомври.
МИА
