Вчеравечер во одлична атмосфера на плоштадот во Автокоманда се оддржа манифестацијата „Вкусовите на Гази Баба” во организација на општина Гази Баба.
Настанот го одбележа музичка програма која траеше повеќе од шест часа, а во која учествуваа балканските музички ѕвезди Хари Мата Хари и Амадеус бенд, а од македонската естрада граѓаните имаа можност да уживаат во настапите на ДНК, Таско, Огнен Здравковски, Бојана Скендеровски и Гоце Пејковски.
Манифестацијата со свое обраќање ја отвори градоначалникот на општина Гази Баба, Бобан Стефковски кој истакна дека ова е за прв пат на манифестација организирана од општината да настапат покрај македонски и балкански музички ѕвезди и даде ветување дека следната година овој настан ќе има уште поголеми димензии.
Од општината информираат дека на манифестацијата присуствувале повеќе од 15.000 граѓани од Гази Баба, но и цело Скопје.
