Во популарниот филм “Аватар” од 2009 година членовите на заедницата се одликуваат со заслепувачки сина кожа. Можно ли е тоа да се случи и во реалноста?
Се испоставува дека да и досега има барем еден таков регистриран случај на семејство од Апалачките каде оваа позиција се пренесува од генерација на генерација. Виновник за неверојатниот телесен феномен е ретка генетска болест наречена метхемоглобинемија.
Метхемоглобинемијата претставува заболување на крвта, при што се произведува премногу високо количество метхемоглобин кој е вид хемоглобин. Хемоглобинот е молекула во црвените крвни клетки, која што го снабдува со кислород целото тело. При метхемоглобинемијата, хемоглобинот не може да лачи доволно добро кислород во телесните ткива и луѓето кои страдаат од оваа болест, имаат кафеава боја на крвта и сина кожа. Најпознатиот документиран случај се шест генерации од семејството Фугате, кои живееле во релативна изолација меѓу ридовите на државата Кентаки меѓу 1800 и 1960 година.
Почетокот на родот бил поставен од сирак од Франција – Мартин Фугате – кој се оженил со локална девојка. За жал се покажало дека и двајцата го носеле генот на оваа болест. Четири од седумте деца биле со сина кожа, а потоа нивните наследници започнале да се женат помеѓу себе, што конечно довело до ширењето на опасниот ген. Интересно е тоа што иако од надвор имале сина кожа, членовите на семејството Фугате не страдале од било какви други проблеми и повеќето од нив дури доживеале до 80 години и повеќе. Метхемоглобинемијата може да се добие и при изложеност на одредени хемикалии и лекови како бензокаин.
