Најголемата компанија за производство на генетски модифицирани семиња, Монсанто, како што известува Дојче Веле, нема повеќе да лобира во Европа.
Монсанто изјави дека поради многу малата побарувачка за нивните семиња и големиот отпор кој се појави, бесмислено било да се троши повеќе време на лобирање.
Германскиот Министер за агрокултура ја потврди оваа одлука, а меѓу другито додал дека министерството од секогаш било критички настроено кон генетски модифицираните технологии.
Протестите во Германија против ГМО беа едни од најконстантните и најмасовните уште од 2009 година.
Ривалите на Монсанто, Bayer CropScience, BASF и Syngenta, уште одамна го напуштија германскиот пазар, поради општо прифатениот отпор кон модифицираните семиња.
