Двајца млади, момче на 19 години и девојка од 18 години, го загубија животот во тешка сообраќајна несреќа што се случи по полноќ во општина Драганиќ, во близина на Карловац, информираше карловачката полициска управа.
Несреќата се случила околу 25 минути по полноќ, кога автомобил со карловачки регистерски таблички, поради пребрзо возење, излетал од патот и завршил во канал.
Според податоците од истрагата, загинати се 19-годишниот возач и 18-годишната сопатничка. Анализата на несреќата покажала дека возилото паднало во канал наменет за атмосферска вода, по што се превртело на покривот и удрило во задниот дел на бетонски мост. Исто така, било утврдено дека двајцата патници во возилото не носеле сигурносни појаси во моментот на несреќата.
„Во врска со овој трагичен настан, ќе биде испратен извештај до надлежното државно правобранителство“, соопштија од полициската управа во Карловац.
