Мистеријата на малото џепче на фармерките

Во предниот десен џеб на сите фармерки има уште еден, мал џеб. Што бара таму?

Излегува тоа да ти било џепче за часовник, од оние на синџирче. Првично е измислено за каубојците кои имале потреба од сигурно место каде нивните часовници ќе бидат истовремено добро заштитени, а и доволно достапни.

Денес џебните часовници се далечно минато и ретко кој од нас е каубој, ама затоа пак во меѓувреме му најдовме куп други примени на малото џепче во џебот на фармерките.

На сајтот на Levi Strauss пишува:

„Првите фармерки имаа 4 џеба – само еден одзади, а два напред, плус малото џепче за часовник. Оригинално додадено како џеб за џебни часовници, ова есктра џепче се покажа корисно за многу други функции, за кои сведочат неговите многу имиња: предно џепче, џеб за кондоми, џеб за парички, џеб за ќибрит, џеб за тикети – се само дел од нив…

Не само што е корисно за мали дрангулии, туку е и мошне сакано од џинсерите, на кои им се допаѓа избледениот и износениот лик што го добива со тек на време“.

Пфф, ете. А очекувавме нешто многу поспектакуларно.