Бројот на загинати Палестинци во тековната војна со Израел достигна 10.022 лица, вклучувајќи 4.104 деца и 2.641 жени, соопшти денеска Министерството за здравство во Газа.
Портпаролот на Министерството соопшти дека бројот на повредени Палестинци од 7 октомври досега се искачи на 25.408 лица.
Тој посочи дека болницата Ал Рантиси двапати била цел на израелски воздушни напади, како и Центарот за рак и Специјализираниот детски центар. Во израелските воздушни напади уништени се и соларните панели и резервоарите за вода во болницата Ал Рантиси, пренесува Ал Џезира.
Портпаролот рече дека Израел извршил 18 напади во изминатите часови, при што загинаа 252 лица.
Од 7 октомври досега загинаа 192 припадници на медицински персонал, а уништени се 32 амбулантни возила, додека 16 болници сега се надвор од функција.
МИА
