Планот на американскиот технолошки гигант „Microsoft“ да ја укине поддршката за Windows 10 може да резултира со правење бесполезни околу 240 милиони персонални компјутери, кои би можеле да завршат на отпад, објави во петокот компанијата за истражување и аналитика „Canalys Research“. .
Електронскиот отпад создаден од овие компјутери би можел да тежи околу 480 илјади тони.
Иако многу компјутери може да останат функционални со години по завршувањето на поддршката, од „Canalys Research“ предупредуваат дека интересот за уреди без безбедносни ажурирања може значително да се намали.
„Microsoft“ објави план за обезбедување безбедносни ажурирања на уредите со оперативниот систем Windows 10 до октомври 2028 година, по необјавена годишна цена.
Компанијата има намера да ја прекине поддршката за Windows 10 до октомври 2025 година.
