Лео Меси вели дека тимот на Барселона не е во криза и верува дека ќе го поминат Милан и ќе се пласираат во 1/4 финалето од Лигата на Шампионите.
За краток период Барселона доживеа два порази од Реал Мадрид и еден од Милан, игрите на Каталонците не се на нивото на кое сме навикнале да ги гледаме.
Вечерва Барса ќе има тешка мисија, натпреварот на Камп Ноу ќе стартува со предност од 2-0 за Милан, резултат кој сега на Италијанците им ја дава фаворитската улога за пласман во следното коло.
Меси кој нема постигнато гол од игра против италијански тим, вели дека Барселона не е во криза и верува во добар натпревар вечерва на Камп Ноу и пласман во 1/4 финалето од Лигата на Шампионите.
„Не сме во криза” – изјави Меси.
„Загубивме од Реал и Милан, два големи клуба. Не одигравме добро, но против Италијанците имаме уште 90 минути да ја свртиме ситуацијата”.
„Можеме да го направиме тоа. Клубот повеќе пати покажал дека може да ја надмине било која пречка”.
„Сега нашата главна цел е да го победиме Милан и да се пласираме во следното коло од Лигата на Шампионите”.
„Сакаме да постигнеме многу оваа сезона и не смееме да си дозволиме да потфрлиме”.
Текстот е објавен во соработка со 24Фудбал.
