Масивен воздушен напад врз ИСИС во Сирија, Франција фрли 20 бомби во Рака

Француски борбени авиони започнаа со најголемите напади во Сирија, Рака за одмазда врз ИСИС само два дена по нападите во Париз во кои загинаа околу 130 луѓе.

Станува збор за воздушен напад со 10 борбени авиони лансирани од Обединетите Арапски Емирати и Јордан, наведува француското Министерство за одбрана.

Во соопштението се вели дека во мисијата биле фрлени 20 бомби.

Операцијата беше спроведена во координација со воените сили на САД, изјавија француските власти. Во нападите потполно е уништена командата и тренинг кампот на Исламската држава, тврди фрацуското министерство за одбрана, јавува АФР.

„Првата уништена цел беше командниот пункт, џихадистички регрутен центар и магацин за оружје и муниција. Втората цел беше терористичкиот тренинг-камп“, рече Министерството во соопштението, додавајќи дека во нападите биле погодени околу 30 цели.