За да го подготвите овој рецепт потребни ви се следниве сотојки:
1 кг. грозје
200 г. шеќер
1 кесичка џемфикс
Подготовка:
Измијте го грозјето, отстранете ги бобинките од стеблата, па ставете ги во длабок сад да се готват. Повремено мешајте.
После 10-15 минути, грозјето омекнува.
Можете со дрвена лажица малку да ги изгмечите оние плодови што останале цели.
Тргнете го од оган, па низ крупна цедилка испасирајте ја смесата, да се одвојат смеките и крупните лушпи.
Вратете ја испасираната смеса на шпорет, додадете шеќер и џемфикс.
Гответе уште 3 минути и врелиот мармалад сипете го во чисти тегли, па свртете ги наопаку на пет минути, да се вакумираат.
Оставете ги да се оладат на собна температура.
