Манчестер Јунајтед е во одлична позиција да ангажира две важни засилувања во средниот ред ова лето, со вкупна вредност од 152 милиони евра, додека Мајкл Карик скоро сигурно ќе биде назначен за нов постојан менаџер на клубот. „Црвените ѓаволи“ имаат амбициозни планови за летниот преоден рок.
Тие се охрабрени од учеството во Лигата на шампионите следната сезона, што им олеснува привлекувањето на квалитетни играчи. Освежувањето на средниот ред е долготраен приоритет, особено со заминувањето на Касемиро на крајот од сезоната и неизвесноста околу иднината на Мануел Угарте, што значи дека клубот има сè поголеми можности да донесе нови имиња.
Првиот на списокот е Едерсон, ѕвездата на Аталанта и еден од најдобрите играчи во средниот ред во италијанската Серија А. Според последните информации, неговиот трансфер би можел да биде реализиран во наредните недели.
Иако Атлетико Мадрид е главен конкурент и дури има постигнат принципиелен договор со 26-годишниот Бразилец, преговорите со Аталанта за обештетувањето застојуваат, што му отвора пат за Манчестер Јунајтед, пишува „Мирор“.
Италијанскиот медиум „Тутомеркатовеб“ известува дека раководството на Јунајтед интензивно работи на потписот на Едерсон, што укажува на тоа дека преговорите напредуваат.
Клубот е решен да го ангажира Бразилецот, а на „Олд Трафорд“ владее оптимизам дека договорот ќе биде постигнат. Иако формални понуди сè уште не се испратени, се верува дека играчот е заинтересиран за премин во Премиер лигата.
Ова го потврди извршниот директор на Аталанта, Лука Перкаси, кој изјави дека клубот сè уште не добил официјални понуди. „Немаме официјални понуди, само интерес од други клубови“, изјави тој за „Туто Меркато“. „Мислам дека е малку веројатно тимовите да преземат конкретни чекори пред крајот на сезоната. Интересот за нашите играчи е вообичаен, но ќе расчистиме сè во вистинско време, смирено и трпеливо.“
Аталанта очекува почетна сума од 45 милиони евра за Едерсон, а со бонусите, договорот би можел да достигне и 60 милиони евра. Некои извештаи наведуваат дека сума од околу 50 милиони евра би била доволна за да ги обезбеди неговите услуги.
Во меѓувреме, „Црвените ѓаволи“ се заинтересирани и за играчот од средниот ред на Вест Хем, Матеус Фернандес. Манчестер Јунајтед е главен кандидат во трката за потписот на 21-годишникот, и покрај конкуренцијата од Арсенал, според информациите од „TEAMtalk“.
Фернандес, кој дојде во „Чеканите“ од Саутемптон минатото лето за 46 милиони евра, се истакна и покрај проблемите на Вест Хем со останување во лигата.
Јунајтед веќе има контактирано со неговите претставници и го гледа португалскиот интернационалец како долгорочно решение во средниот ред, потенцијално до неговиот капитен Бруно Фернандес или како замена за него.
Фото/ Depositphotos
