Мал остров, голема убавина – остров Ниуе

Ниуе е мала англиска островска држава сместена во југозападниот дел на Тихиот Океан. Се наоѓа на североисточниот дел од Нов Зеланд.

Ниуе е најмалата по население независна  земја во светот.

Ниуе зафаќа површина од само 259 километри квадратни.  Населението на малата островска земја е околу 2000 жители.

Најголем град е главниот град Алофи , каде живеат речиси половина од жителите на островот. Градот се наоѓа во источниот дел на островот, на брегот на океанот. Алофи претставува мал град, кој е лоциран на самиот брег на океанот. Недалеку од главниот град се наоѓа меѓународниот аеродром на Ниуе што е единствената врска на островјаните со останатиот свет. Други помали села се Макефу, Туапа, Хикутаваке, Тои, Муталау, Лакепа,  Хакупу, Вајеа, Авателе и Тамакаутога. Сите тие претставуваат мали и ретко населени села. Ова е можеби единствената држава во светот каде што речиси сите се познаваат.

Природата на Ниуе е многу убава. Островот има вулканско потекло и од таа причина почвата е многу плодна. Има рамен релјеф и мала надморска височина, која е најчесто околу 50 – 60 метри. Поголемиот дел од територијата на островската земја е зафатена од густите тропски шуми. Крајбрежната линија е многу специфична – островот нема речиси никакви плажи.

Бреговите се стрмни и карпести. Голем дел од територијата на Ниуе е окупирана од заштитено подрачје. Ако ја посетите оваа мала земја нужно посетете ја шумата Хувалу, која е заштитена со закон. Таа е сместена во дивиот и пуст источен дел на островот. Флората и недопрената природа е најголемата предност на овој мал остров. Тука секој би можел да открие мир меѓу еколошки чистата животна средина и да се насладува на тишината, бидејќи на Ниуе животот се движи со пулсот на природата.

Климата на Ниуе е топла, тропска со обилни врнежи од дожд. Недостасуваат премногу високи или премногу ниски температури. Дождовната сезона се совпаѓа со летото во јужната хемисфера и продолжува од ноември до април. Покрај тоа овој дел на годината е сезона на урагани. Летните температури се околу 27 ° C, но влажноста  создава уште поголема топлина. Подобро време за туризам на Ниуе е зимското полугодие кое трае од мај до октомври. Тогаш и температурата е пријатна – околу 25 ° C.

Во југозападниот дел на островот се наоѓа Матавиа Брегот . Се работи за област каде може да се одморите, а воедно е и атракција за туристите.

Поради недостигот на плажи,  сепак  Ниуе не е многу популарна туристичка дестинација, иако  туристичката индустрија се испоставува главен извор на приходи за островската земја. Покрај тоа Ниуе заработува и од извоз на мед и некои земјоделски производи. Официјалната валута на овој мал остров е Новозеландски долар бидејќи економски пристапиле доброволно кон Нов Зеланд, која е една од најсилните економии во Океанија.