САД и Германија се главните противници на пристапот на Украина во НАТО, изјави францускиот претседател Емануел Макрон пред самитот на 75-годишнината на Алијансата во Вашингтон, јави ДПА.
Макрон го посочи вниманието кон „силното противење“ на САД и Германија на можната покана до Украина за приклучување кон Северноатлантската алијанса.
-На крајот, одлуката да се покани Украина за влез во НАТО ќе ја донесат сојузниците, рече тој.
Францускиот претседател потсети и на нервозата на Киев затоа што немаше таква покана на претходниот самит на НАТО во литванската престолнина Вилнус.
-Украинците беа доста нервозни кога сфатија дека вратата е отворена, но не до толку. И мислам дека сценариото за самитот во Вашингтон е исто, додаде Макрон, а со тоа индиректно ги урна украинските надежи за прием.
