Македонската ракометна селекција загуби на натпреварот против Словенија со конечен резултат 26-32 (16-15) во квалификациите за Европскиот шампионат што ќе се одржи во 2026 година. Иако нашиот тим имаше добра изведба во првиот дел и го заврши со водство, формата на ракометарите под водство на Кирил Лазаров значително падна во второто полувреме, што резултираше со убедлив пораз на домашен терен. Најпродуктивни во македонскиот состав беа Кузмановски со 10 погодоци и Митев со 5, додека Влах се истакна како најдобар стрелец во победничката екипа со 10 голови. Со оваа победа, Словенците остануваат лидери во квалификациската група, додека нашата репрезентација има една победа и два порази пред натпреварот на гостински терен против истиот противник, кој ќе се игра во недела од 18:30 часот во Копер.
