Белорускиот претседател Александар Лукашенко изјави денеска дека нуклеарното оружје мора да се отстрани од евроазиската територија со цел деескалација на тензиите во светот.
„Прво, за вистинска деескалација и почеток на дијалог, неопходно е да се отстрани американското нуклеарно оружје од територијата на Евроазија“, рече Лукашенко на втората меѓународна конференција за евроазиска безбедност во Минск.
Според него, на второ место е елиминирањето на практиката на воведување незаконски санкции без одлука на Советот за безбедност на ОН.
„Трето, треба да се развие нов договорен и правен механизам за да се создаде транспарентен, разбирлив режим на контрола врз новите смртоносни технологии кои можат да го уништат целото човештво дури и без нуклеарно оружје“, додаде Лукашенко.
Овој тип на технологија, рече тој, вклучува ласери, хиперзвук, квантни електромагнетни системи и други напредни технологии. Четвртата точка, додаде Лукашенко, е забраната за употреба на кибер оружје.
