Лето е, па неизбежно е да ги покажете нозете и да водите грижа за нивниот изглед.Погледнете рутина која може да ви помогне да чекорите блескаво.
Утро
– Веднаш штом ќе станете истуширајте се, додека се туширате меко измасирајте ги стапалата и нозете, а најдобро е тоа да го направите со четка за масажа.
– Веднаш по тушот нанесете на нозете крем за омекнување.
– Непосредно пред излегување од дома темелно ставете на стапалата и меѓу прстите дезодоранс, или пак, посебен спреј за нозе.
Вечер
– Во кадата додадете арома-масла, со што ќе му овозможите на целото тело да се опушти.
– Потоа нужно направете посебна бања за нозете со камилица или нане – тоа ги намалува заморот и склоноста кон потење (6 лажици камилица се оставаат 1 час во 2 литри вода што врие, течноста се цеди и нозете се држат во водата додека истата се излади) .
– Пред спиење обилно намачкајте ги нозете со крем. За подобар ефект можете да обуете памучни чорапи.
Еднаш неделно
-Може да обрнете поголемо внимание не само на грижата, но и на педикир.
– Во кадата за нозе додадете сретства за опуштање и дезинфекција. Додека стапалата ви киснат, истријте ги со тврда четка.
– Ноктите на палците се сечат со три-четири „кликања“. Не правете целосен (со еден потег) круг , за да не почнат да растат во кожата.
– Не заборавајте да нанесете на стапалата крем и да ги масирате малку.
– Многу е корисно во периодот помеѓу обновувањето на лакот да користите масло за нокти.
