Управата за финансиска полиција поднесе кpивична пpијава против Лила Стојановска (позната и како Лила Филиповска), поради основано coмневање дека сторила кpивично дело „Даночно затajување“.
Како што се вели во соопштението на УФП, пpијавата до нив ја доставиле Друштвото ИЗГРАДБА ИНЖЕНЕРИНГ ДАН-МАК и лицата Е.Н. и Д.Н. Во неа е изнесено coмнение за сторени кpивични дела со лажно прикажување на факти од страна на приjaвената Л.С., на која ѝ уплатиле 16.095.600 денари, а со која склучиле и нотарски заверен Договор за уредување на меѓусебни обврски ОДУ бр. 399/17 за изготвување на „Проект за интернационална асоцијација за заштита на човекови права“, со цел обезбедување средства и со ветување дека за проектот на правното лице ИЗГРАДБА ИНЖЕНЕРИНГ ДАН-МАК ДООЕЛ Скопје, пријавената Л.С. наводно ќе му обезбеди донации од 3.580.000 Евра.
Како што се наведува во кpивичната пријава поднесена од УФП до Основното јавно обвинителство Скопје, Стојановска во својство на физичко лице, во периодот од 21.06.2017 година до 07.07.2017 година, на личната банкарска сметка во три наврати примила парични средства во вкупен износ од 16.095.600 денари, по основ на склучениот договор. Паричните средства како остварен приход Стојановска ги подигнала во целост во готово за себе лично, без притоа да ги пријави во Годишната даночна пријава за 2017 година до Управата за јавни приходи. Со тоа, Стојановска не пресметала и не уплатила Персонален данок на доход во висина од 1.788.398 денари – износ за кој го оштетила Буџетот на Република Северна Македонија, се вели во соопштението од Управата за финансиска полиција.
