Претседателот на фудбалскиот клуб Наполи, Аурелио Де Лаурентис, денес изјави дека е подготвен да му дозволи на тренерот Антонио Конте да ја преземе италијанската репрезентација.
„Ако Конте се обрати до мене со желба да се врати во репрезентацијата, сметам дека би се согласил. Но, бидејќи е многу паметен и сè додека не се појави сериозен кандидат, што досега не се случило, не мислам дека би се замислил себеси на чело на неорганизиран тим“, изјави Де Лаурентис за „Калчонаполи 24“.
Конте, по победата на Наполи над Милан со 1-0 во Серија А, изјави дека е нормално неговото име да се споменува како потенцијален кандидат за нов селектор, откако Џенаро Гатузо ја напушти репрезентацијата по неуспехот во финалето од плејофот за Светското првенство.
„Ајде да не заборавиме дека минатата година, во последните три месеци од сезоната, медиумите пишуваа дека ќе го напуштам Наполи и ќе одам во Јувентус. Медиумите секогаш треба да пишуваат нешто и сосема е во ред моето име да се појавува на списокот на потенцијални кандидати. Да бев претседател на Фудбалската федерација, сигурно ќе се земев себе предвид“, рече Конте, кој беше селектор на Италија од 2014 до 2016 година.
На последната средба, Италијанската фудбалска федерација го раскина договорот со селекторот Џенар Гатузо по заеднички договор, по неуспехот на репрезентацијата да се квалификува за Светското првенство, трет пат по ред. По ова, претседателот на Фудбалската асоцијација на Италија, Габриеле Гравина, ја напушти својата функција, под притисок и критики од навивачите.
Фото/ Depositphotos
