Ако се суди според промотивниот материјал, Парискиот Саем за Автомобили 2010 ќе биде вистински настан кој не смее да се пропушти. Но, тоа и се очекува со оглед на тоа што ова е најголемиот саем за автомобили во годината. А поради тоа што оваа година нема Франкфуртски саем за автомобили, тогаш може да се очекува дека мнгоу компании своите нови дизајни ќе ги претстават во Париз.
Ако се суди според промотивниот материјал, Парискиот Саем за Автомобили 2010 ќе биде вистински настан кој не смее да се пропушти. Но, тоа и се очекува со оглед на тоа што ова е најголемиот саем за автомобили во годината. А поради тоа што оваа година нема Франкфуртски саем за автомобили, тогаш може да се очекува дека мнгоу компании своите нови дизајни ќе ги претстават во Париз.
Еве неколку концепти кои ќе бидат претставени годинава од 2 до 17 октомври во Париз.
Концептот Pop од Kia изгледа како да е излезен од некој научно фантастичен филм. Kia Pop е дизајниран како градски автомобил, и ништо повеќе. Се работи за електричен автомобил, со само три седишта.
Ленд Ровер го претстави дизајнот на Evoque пред неколку месеци, но парискиот саем на автомобили ќе биде првото појавување на „најмалиот, најлесниот и најефикасниот Range Rover досега“. Многу луѓе со нетрпение чекаат да ги видат спецификациите и малиот профил на овој автомобил одблиску.
Мазда, преку концептот Shinari, ќе го претстави својот нов изглед наречен Кодо. Овој автомобил никогаш нема да биде масовно произведен, но сепак може да ве наежи само ако го погледнете. Shinari е купе со четири врати и динамичен флуиден дизајн.
Овој автомобил ќе го има истиот погон, два електрични мотори на задните тркала и литиум јонски батерии, како прототипот претставен на саемот во Детроит, но според најновите гласини, ќе биде хибрид а не електричен автомобил. Сега за сега сигурно е само дека купето ќе биде претворено во кабриолет и дека ќе располага со 200 коњски сили.
DeZir однадвор е само темноцрвено Рено со прекрасен дизајн и уникатни врати. Но DeZir е дизајниран врз основа на електричен погон со мотор од 110 kW. Моторот добива енергија од литиум јонска батерија од 24 kW слична на онаа во Nissan Leaf.
Уште еден секси концепт на француски производител кој не смее да се пропушти. EX1 ќе биде еден од најспектакуларните автомобили кои ќе се појават во Париз. Дизајнот е различен по тоа што задната оска е потесна од предната, со цел да се добие подобра аеродинамика. Тоа, заедно со два електрични мотори од по 170 коњски сили и тежина од само 998 килограми ќе биде доволно за забрзување од 0-100 km/h за помалку од три секунди.
