Препораката на Комисијата за заразни болести за целосно укинување на полицискиот час не е донесена затоа што граѓаните не ги почитуваат мерките, туку е базирана на темелни анализи, демантираат од КЗБ и Министерството за здравство, иако тој коментар заедно со информацијата порталот „Фактор“ го објави повикувајќи се на свој извор во Комисијата.
„Комисијата за заразни болести ги демантира информациите кои се пласирани денеска во одредени медиуми дека на утринскиот состанок е донесена одлука за целосно олабавување на мерките заради тоа што истите не се почитувале од граѓаните.
Сите досегашни мерки и предлози до Владата, Комисијата за заразни болести ги носи врз основа на темелни анализи на состојбата со епидемијата во земјата.
Денеска на прес конференција, ставот на Комисијата детално ќе го образложи Др. Жарко Караџовски, претстедател на Комисијата за заразни болести“, порачаа од КБЗ.
