Раперот Кание Вест ќе потроши 74. 000 долари за Божиќни подароци за 18-месечната ќерка. Извор на списанието “Heat” откри дека тој платил 62 000 долари за тиара со дијаманти, а исто така и 12 000 долари за играчка реплика на неговиот црн џип.
Според таткото тиарата е многу соодветен подарок за девојчето, бидејќи кога таа ќе почне да се маскира ќе се чувствува како вистинска принцеза.
„За Ким тој приготвил дизајнерна облека, чевли, чанти и се разбира накит. За целта му помогна стилист”, издава изворот.
Не е изненадување што малата Норт Вест ќе биде натрупана со подароци за Божиќ. Неодамна нејзината мајка изјави за весникот “Evening Standard” дека сака нејзината ќерка да ја научи вистинската цена на макотрпна работа.
“Еднаш се замислив пред пријателите каква ли ќе биде првата работа на Норт. Тие се чудеа дека таа воопшто ќе има работа, а јас одговорив дека таа ќе треба многу да се труди, за да се постигне она што сака”, рече Ким Кардшијан.
