Во календарот на сериите има две важни сезони. Едната е есенска, кога почнуваат повеќето (од септември до ноември), а другата е зимска по бескрајните празнични прекини (февруари).
Еве ги телевизиските секвенци кои се очекуваат оваа есен. (Ако поради некоја причина не сте ги гледале, сега е моментот да ве инспирираме со по некој предлог.
Добрата жена / The Good Wife
„Добрата сопруга” го продолжува својот пат без Вил. Алиша (Џулијана Маргулијс) беше најдобрата сопруга, но по јавен скандал со мажот (американски обвинител, во улогата Мистер Биг) одлучи да се насочи кон себе си и да почне конечно кариера на адвокат. Така веќе пет години таа ја наметнува железната волја над сите, како и на публиката залепена на екранот секоја недела. Веќе престанаа да се бројат колку “Златен глобус” и награди “Еми” има Џулијана освоено, од времето кога глумеше во “ER” Вреди да се запознаете со нејзината Алиша и со нејзиниот талент. Сезона 6, од 21 септември
Модерно семејство / Modern Family
Она што ја прави една комедија голема, е остварувањето на она ниво на забава што успева да те натера не само да плачеш од смеа, туку и да се замислиш над важни прашања. Во „Модерно семејство” остварувањето на оваа точка се случи уште во првата сезона и со мали исклучоци во текот на годините продолжува да го допира срцето на многумина. Сезона 6, од 24 септември.
Внатрешна безбедност / Homeland
Клер Дејнс (во улогата на Кери Матесон) е како Мерил Стрип. Толку е совршена, што дури е здодевно. И во исто време не можеш, едноставно не можеш да се повлечеш од екранот. А оваа приказна е политичка, што веднаш го предизвика интересот кај љубителите на оваа тема. Што ќе стане со Кери, нејзиното бебе и нејзината борба со себе и со лошиот свет по смртта на Броди? Откако интернетот полуде на финалето на минатата сезона од огорченост, најдобриот човек и совршен манипулатор, повторно ќе биде тука, овој пат од страна на приватниот сектор. Сезона 4, 5 октомври
Редакција / The Newsroom
Ова ќе биде последната сезона од серијата. Ако сакате да видите што се „готви во кујната“ на една новинска емисија, тоа е филмот. Ако сакате да видите што е вистинско новинарство и да се запрашате дали има нешто такво и кај нас и зошто нема, тоа е филмот. Ако сакате да дознаете повеќе за политиката и нејзините точки со економските интереси и медиумите, ова е филмот. Ако ништо не сте гледале од оваа серија, срдечно ви порачуваме. „Зошто Америка е најголемата земја во светот” – говорот во првата епизода, е еден од најимпресивните говори во светот на телевизијата воопшто . Сезона 3, од 9 ноември
How to Get Away With Murder
Новиот серијал, продуциран од Шонда Рајмс ќе се врти околу професорка по право, нејзините студенти и откривањето на убиство. Во главната улога е Вајо Дејвис, што е сериозна најава за добар драматичен серијал. Сезона 1, од 25 септември
Неверството / The Affair
Во новиот серијал на Showtime ќе станува збор за односот и психолошките ефекти од неверството на двајцата херои – мажена келнерка во ресторан во Хемптанс и оженет учител кој го поминува летото на островот. Showtime немаат слаба серија, поради што го очекуваме „Неверството” со голем интерес. Сезона 1, од 12 октомври.
