Најстрашниот начин да се разделите со партнерот е да го направите тоа по телефон или со порака, но дури очи во очи разделбта може да биде болна, ако кажете дека … ви треба повеќе простор.
Ова е најстрашното оправдување што верувајте дека буквално никој не сака да го слушне. Дури и без да сакате можете да го навредите партнерот, ако споменете дека „вие не го заслужувате“, или дека тој/таа е „премногу добар за вас”. Логично дека тоа се клишеа, кои служат повеќе за извлекување од ситуацијата и речиси никогаш не одговараат на вистината.
„Запознав друг/а” звучи болно, но ако е вистина, подобро бидете искрени со партнерот.
Зборовите „мислам дека треба да бидеме само пријатели” се исто толку навредливи како и „прочитав во хороскоп дека ме очекува нова љубов”.
Сепак, првото место со целосна едногласност се зборовите „не е поради тебе, поради мене е”… Озбилно?
Не заборавајте дека вистината колку и да боли е секогаш најдобриот начин да се соопштат лошите вести. Не може да се заврши врската без некој да биде повреден, но верувајте дека откако ќе престанат каењето, омразата, тагата, и ќе се вклучи рамнодушноста, ако сте искрени повторно ќе ја заслужите почитта, а богами и совеста ќе ви се смири.
